Interview

Interview with Presidential Spokesperson Harry Roque by Mike Enriquez – Saksi sa Dobol B, DZBB

Event Radio Interview

MIKE: Secretary, good morning si Mike Enriquez po ito.

SEC. ROQUE: Magandang umaga Mike at magandang umaga sa mga nanonood at nakikinig sa atin ngayon.

MIKE: Ano ba itong revolution—ano ba iyong pinag-uusapan na ito tungkol sa revolutionary government? Ano ba talaga, Secretary? Pakipaliwanag lang po sa mga nakikinig at nanood, sige po.

SEC. ROQUE: Naku dalawang beses na pong sinabi ni Presidente iyan ‘no. Ang sabi ni Presidente po noong binanggit niya ang revolutionary government eh ito ay kung naghihingalo lamang ang gobyerno ‘no, dahil doon sa pagtangka ng ilan sa atin na patalsikin siya sa puwesto ‘no; iyong hindi maka-antay ng eleksyon na 2022 at nais na talagang bumalik sa kapangyarihan ‘no.

So ang sabi ni Presidente kapag ganiyan at naghihingalo na ang gobyerno, siyempre may mga kapangyarihan naman ang gobyerno at isa na diyan iyong pagdedeklara ng revolutionary government ‘no. Pero paulit ulit pong sinasabi ng Presidente na hindi naman nahihingalo ngayon ay Republika so hindi kinakailangan magkaroon ng revolutionary government. Kaya nga po ang sabi ko, move on na talaga ‘no.

Ngayon ang problema, Mike ‘no, mayroon din talagang mga supporters ang Presidente na nagnanais ng rev. gov., dahil ang sabi nila eh hindi talaga mapapabilis ang proseso ng pagbabago kung walang rev. gov. ‘no. Eh iyan naman po ay mga supporters, pinasasasalamatan natin at nakikita natin ang pulso nila na kinakailangan mapabilis ang proseso ng pagbabago. Pero nagdesisyon na po ang Presidente at ang Presidente naman po ay isang abogado, dating fiscal, alam po niya na kung wala pong necessity ay hindi sila kailangan at hindi dapat magdeklara ng revolutionary government.

MIKE: Sino itong mga taga suporta na ito na… tulad ngayon habang nagsasalita kayo, pinapakita po natin sa GMA News TV iyong mga kuha po ng mga camera man namin kahapon sa Mendiola. Sino ba itong mga ito na sumisigaw at hinihimok si Presidente na magdeklara na ng revolutionary government agad-agad, Secretary?

SEC. ROQUE: Eh alam mo naman—oo alam mo naman, Mike ‘no, talagang ang Presidente ay hindi lang nahalal nang napakalaking mandato ‘no, limang milyon yung agwat niya doon sa pangalawa ‘no—

MIKE: Opo, opo.

SEC. ROQUE: Pero ngayon po otsenta porsiyento ang approval rating ni Presidente. At tataas pa po iyan ngayong Disyembre ‘no matapos ang manalo tayo sa Marawi ‘no at matapos na… nasimulan na iyong pagbangon ng Marawi ‘no.

So napakadami po talagang sumusuporta kay Presidente. Nagpapasalamat tayo at ito naman mga tao pong ito eh mabuti ang intensyon dahil nais nilang mapabilis iyong federalismo, nais nilang mapabilis iyong kampanya laban sa korapsyon.

Kaya lang po ang sinasabi ni Presidente cool tayo, hindi na natin kinakailangan iyan, sapat-sapat na iyong ating kapangyarihan sa ngayon. At mukha namang hindi talaga—hindi naman nag-take off iyong pagnanais ng oposisyon na mapatalsik ang ating Presidente dahil imbes na magalit ang tao sa Presidente, lalo pang napamahal sa marami sa atin ang Presidente.

MIKE: Opo, Secretary alam na alam namin na alam ninyo. Alam nating lahat, ang unang-unang nagbanggit kaya naging usapin itong revolutionary government na ito, rev. gov. – may bagong kataga na tayo sa bokabularyo natin ‘no, Secretary, rev. go… o rev. gov., oo. Rev. gobs na lang ‘G.O.B’ huwag ng “go,’ baka madamay pa si—oo si Bong. [laughs]

SEC. ROQUE: [laughs]

MIKE: Okay. Ganito, Secretary, ang unang-unang nagbanggit nito ay si Presidente mismo. Oo, Secretary—

SEC. ROQUE: Opo.

MIKE: Saan ba nanggaling iyon? Ano bang hugot nun kung mayroon man? Mayroon bang mga bumubolong kay Presidente? Mayroon bang nagrerekomenda kay Presidente? ‘Oh, Presidente baka kailangan na ng revolutionary government para mabilis nating malutas itong mga maraming problema natin sa Pilipinas,’ Secretary?

SEC. ROQUE: Hindi po. Ang origin ng konteksto po niyan eh iyong posibilidad na may mga dayuhan na magkakaroon ng sabwatan sa ilang mga kababayan natin na ayaw ang liderato ni Presidente at sila nga po ay gagawa ng hakbang upang mapatalsik ang Presidente.

Kung titingnan mo kasi iyung ‘87 Constitution ‘no, iyong kapangyarihan ng martial law ay limited lamang sa invasion, iyung paglusob ng isang dayuhang bayan o hindi naman kay rebelyon. Pero kung walang invasion, walang rebelyon gaya ng coup d’etat; at ang coup d’etat naman talagang hiwalay iyan sa rebelyon at ang katunayan eh panahon ni Jovy Salonga kinailangang gumawa ng bagong batas laban sa coup d’etat ‘no.

So—pero kapag coup d’etat lamang ang pinag-uusapan ay hindi iyan rebelyon at hindi pupuwede ang martial law. Anong solusyon sa ganoong pagkakataon ‘no? Kaya naman pumasok iyong konsepto ng rev. gov., dahil noong panahon ni Cory Aquino eh nagdesisyon ang ating Korte Suprema ‘no, na ang revolutionary government kapag suportado ng taong bayan ay legal, mayroon pong ganiyang Supreme Court decision. Pero ang pagkakaiba naman ngayon unang una ang Presidente deklaradong panalo naman ‘no sa posisyong Presidente ng Comelec ‘no napakalaki ng agwat at napakataas ng popularidad.

Wala na pong kaparehong popularidad ang Presidente ngayon doon sa mga nakalipas na Presidente, matapos ang halos isa’t kalahating taon ng panunungkulan ‘no. Eh dahil po diyan sa mga pagkakaibang iyan, hindi na kinakailangan ng rev. gov. Pero iyan po pa rin ay isa pong option at isang warning po na doon sa mga magtatangka na patalsikin si Pangulo eh hindi po maghe-hesitate ang ating Pangulo na gamitin ang lahat ng kapangyarihan niya hindi lang nandoon sa Saligang Batas kung hindi iyong implicitly written although wala pong literal reference sa ating Saligang Batas.

MIKE: Opo. Secretary, nadadalas na rin kasabay po ng pagbanggit sa rev. gov. o revolutionary government ay itong destabilisasyon na kababanggit ninyo lang na iyong mga taong nagnanais na itumba ang gobyerno—bakit mayroon ba? Kaakibat po niyan, idadagdag ko na rin po, ewan ko kung nalaman ninyo itong naging opinyon po ng isa sa mga mahistrado ng Korte Suprema, noong kanilang tinalakay mga extrajudicial killings. Sabi nitong si Justice Marvic Leonen, he said it’s not destabilization. Hindi ibig sabihin na porket magkontra ang pananaw mo eh gusto mong patumbahin ang gobyerno, magkaiba iyong dalawang iyon. Dissent, ah English na ito ha. Dissent and destabilization magkaiba iyon. Bakit mayroon ba hong mga grupo na talagang seryoso na kumikilos para itumba o ibagsak ang gobyerno, Secretary, at sino iyang mga iyan kung mayroon man?

SEC. ROQUE: Well alam ninyo po ang Presidente ay talaga naman pong nag-aaral ng kasaysayan ‘no. At ang sinabi niya noong mga panahon na una niyang dineklara o binanggit itong rev. gov., eh talaga namang may mga gobyerno na hindi sang-ayon sa kaniyang liderato dahil sa katunayan ang gusto niyang mangyari eh iyong mga kalaban niya sa pulitika. At kasaysayan may mga ilang gobyerno na talaga namang nadesisyunan pa ng International Court of Justice sa isang kaso ‘no, doon sa kaso ng Nicaragua vs United States na talagang gagawan ng hakbang upang patalsikin iyong mga gobyerno na hindi nila kinokonsidera na kaalyado ‘no. So iyon iyong konteksto ng rev. gov., ‘pag nagkaroon ng ganiyan na hakbang ang mga dayuhan at makikipagsabwatan sa ilan sa mga miyembro ng oposisyon, hindi siya maghe-hesitate na magdeklara ng revolutionary government.

Pero ngayon nga po paulit-ulit kong sinasabi: wala pong posisyon na ganiyang.

Tama po kayo ang Presidente naniniwala sa karapatan ng malayang pananalita kaya nga po hinahayaan niya iyong mga supporters niya na magtipon-tipon para sa rev. gov., at hinahayaan din niya iyong mga oposisyon na tutol sa rev. gov., na magtipon-tipon din ‘no. Pero ito po ang reyalidad, ang reyalidad ang sabi nila magdedeklara ng rev. gov., kahapon November 30, hindi po nangyari iyan kaya nga po ang aking advise—

MIKE: Ano magdedeklara daw kahapon? Kahapon ba ang schedule?

SEC. ROQUE: Oo iyon po ang tsismis eh.

MIKE: Ha?

SEC. ROQUE: Iyon ang tsismis, iyon ang tsismis.

MIKE: Ha? Saan galing iyon? Ano iyon?

SEC. ROQUE: Tsismis po iyan—

MIKE: [laughs] Mayroon pa lang ganoon.

SEC. ROQUE: Ang sabi eh kahapon daw magdedeklara ng rev. gov.

MIKE: Hindi namin alam iyon ah. Hindi kami nakapag-alerto dito—

SEC. ROQUE: Oo kaya nga po ang sabi ko—

MIKE: Grabe kung natuloy pala iyon mahuhuli kami sa balita. Ano kahapon? Ha?

SEC. ROQUE: Iyan po iyong tsismis nila, kahapon daw po November 30 magdedeklara ng rev. gov.—

MIKE: Pati schedule alam nila.

SEC. ROQUE: Hindi po nangyari. So tama na po iyang usapin na iyan, move on na tayo Pasko na at pagdating ng Bagong Taon ay talagang trabaho na ng husto.

MIKE: [laughs]

SEC. ROQUE: [laughs]

MIKE: O sige, Secretary, malinaw-malinaw. Pasensiya na kayo at tinawagan—‘di bale ng makulit basta malinaw lang ‘di ba? Lalo na ‘pag ganiyan ang usapin, alam ninyo ang trauma ng mga Filipino sa ganiyan, revolutionary government, martial law, diktadurya. Alam ninyo naman kapag nababanggit iyong mga ganiyan, ang mga Filipino eh nanginginig na eh. Oo dahil naranasan natin iyan eh. Oo.

Salamat po Secretary sa panahon ninyo at tinawag ninyo ang tawag namin at sinagot ninyo ang mga tanong ngayong umaga. Hanggang sa susunod, magandang umaga po sa inyo.

SEC. ROQUE: Maraming salamat po at Merry Christmas, Pareng Mike.

MIKE: Merry Christmas din po, Secretary. Good morning po.

###

source: PCOO-NIB (News and Information Bureau)

Resource