Interview

Interview with Presidential Spokesperson Harry Roque by Erwin Tulfo (Radyo Pilipinas – Tutok Erwin Tulfo)

Event Media Interview

ERWIN: Magandang umaga Secretary Harry Roque, Sir.

SEC. ROQUE: Magandang umaga Pareng Erwin at magandang umaga po Pilipinas.

ERWIN: Ano pong magiging epekto po nitong pagdeklara ng Pangulo ng State of Calamity sa buong bansa dahil sa African Swine Fever? Ito po ba ay makakatulong sa pagdating pa ng maraming baboy o pagbaba ng presyo ng mga karneng baboy sa palengke, Secretary?

SEC. ROQUE: Makakatulong po iyan kasi iyong mga lokal na pamahalaan pupuwede nang gastusin iyong kanilang mga calamity fund para po address-in iyong problem ng kawalan ng baboy at sa problema ng ASF. So, iyon po talaga ang epekto ng deklarasyon, kasi po kapag walang ganiyang deklarasyon, mabusisi po ang paggastos ng public fund at matatatagalan po ang paggastos niyan.

ERWIN: Bakit buong bansa po eh mukhang wala naman daw yatang problema sa Visayas and Mindanao? Ang problema lang po nauubos ang baboy natin dito sa Luzon, Secretary?

SEC. ROQUE: Well, kinakailangan po entire nation approach iyan kasi habang tayo  ay nagri-repopulate ay kinakailangan, iyong mga pupuwede na nating paratingin sa Maynila na mga ASF-free na mga inahin ay ma-facilitate din no. So, ganiyan po kasi hindi pa tayo pupuwedeng umasa sa pag-angkat ng mga inahin para magkaroon tayo ng repopulation. So, kinakailangan po lahat ay magtulungan hindi lang po iyong mga nasalanta dito sa Luzon.

ERWIN: Mapapabilis na rin po ba iyong mga naipangako po ng DA, ng pamahalaan na babayaran iyong mga backyard raisers na may mga sampu hanggang dalawampung mga baboy na nangamatay? Mapapabilis po ba ang pagbabayad sa kanila, Secretary?

SEC. ROQUE: Puwede po, kasi ang pondo hindi lang manggagaling sa pang-national na gobyerno, pupuwede na rin manggaling sa mga lokal na pamahalaan.

ERWIN: Sir kambiyo ho tayo. Iyong mga LGU raw Sir, hinihintay na iyong mga bakuna na naipangako na ibababa po sa kanila. Sunday pa raw dumating iyong iba, iyong iba Monday, eh Wednesday na daw po, wala po raw balita? Ano raw ho ang balita dito sa mga bakunang ito na ibababa sa LGU?

SEC. ROQUE: Alam ninyo po iyong pagkaantala ay dahil mayroon po silang pinapa-process na certificate of analysis na kinakailangan. Lalung-lalo na sa Sinovac eh magkaroon ng pag-aaral para makita kung parehas ng quality iyong ibang mga dumating sa atin. So, iyon po ang dahilan kung bakit hindi mai-deliver kaagad. Pero matapos na makuha itong certificate of analysis na ito ay diri-diretso na po iyong pagdi-distribute niyan dahil ang nais nga po natin sa lalong madaling panahon, lalung-lalo na dito sa NCR Plus ay upang mabakunahan ang pinakamaraming mga kababayan natin.

ERWIN: Ano po ang target, Sir, na mabakunahan iyong mga taga NCR Plus Bubble, mga ilang percent po ang kakayanin kaya?

SEC. ROQUE: Nais po talaga natin na magkaroon ng herd immunity dito sa NCR Plus. Kasi kapag nagkaroon po ng herd immunity, parang nilutas mo na iyong problema ng buong Pilipinas dahil ang karamihan naman ng kaso talaga ay nandito sa NCR Plus.

ERWIN:  Sir, Secretary Harry Roque, maraming salamat po magandang umaga, ingat po kayo lagi, Secretary.

SEC. ROQUE: Magandang umaga at maraming salamat po.

 

###

 

SOURCE: PCOO-NIB (News and Information Bureau-Data Processing Center)