Interview

Interview with Presidential Spokesperson Harry Roque by Weng dela Peña – Erwin Tulfo Live (Radyo Pilipinas)

SEC. ROQUE:                                   (Recording starts)…eh walang kaduda-duda po na kung ganitong kabilis na tayo’y nakapagbigay ng mga tahanan sa mga Bakwit sa Marawi, eh ganiyan din pong pag-unlad ng buhay ng lahat ng ating mga kababayan sa buong Pilipinas.

WENG:                                                                Tutal yearend naman ho ngayon Secretary, in your past… two months na kayo ‘di ba na humahawak sa inyong capacity as Spokesperson, ano iyong naging – kayo rin, sa inyong pananaw – iyong naging obserbasyon ninyo sa klase at sa mismong pagkatao ng Pangulo pagdating sa usapin ng pamamahala sa bansa, Secretary?

SEC. ROQUE:                                   Ang istilo ni Presidente aksiyon kaagad ‘no. May problema, bigay lunas kaagad, hindi nag-aantay, hindi atras-abante, hindi teka-teka ‘no. So alam niya kung ano ang dapat mangyari sa ating bayan, lahat ng mga dumarating sa kaniyang pagsubok binibigyan ng kalutasan kaagad, hindi nag-iisip, hindi nag-aatubili… aksiyon kaagad.

WENG:                                                                Iyon hong pagkakataon rin, na minsan nakikinig rin ho siya ‘ata sa mga kritisismo, Secretary ano? Kahit na negatibo iyong kritisismo, pero pinakikinggan niya.

SEC. ROQUE:                                   Eh napakatagal naman po niyang nanunungkulan na sa gobyerno, tatlumpung taon. Kaya naman po alam niya na kinakailangan bigyang-pansin ang pulso ng bayan, dahil kung hindi… eh paano niya malalaman kung anong dapat gawin para sa sambayanan.

WENG:                                                                For the year 2018 Secretary, mapunta lang ho sa war on drugs… although the first two years, talagang naging focus ang war on drugs. Ano ang puwedeng asahan ng publiko sa war on drugs on 2018?

SEC. ROQUE:                                   Well, patuloy po ang ating pagtatagumpay at bumaba po ang krimen sa buong bansa ng trenta’y-put limang porsiyento. At napakamahal na po ngayon ng droga sa kalye, at napakadami na pong mga drug personalities na naaresto. So sa akin po, patuloy lang po ang ating tagumpay, ang pagpo-promote ng kapayapaan sa ating mga komunidad.

WENG:                                                                Iyon hong sinasabi ho nila na korapsyon Secretary, ‘yan ba ay mananatiling isa sa mga priority pa rin ng pamahalaan by the year 2018, with a little sense of urgency ho talaga? Na talagang—

SEC. ROQUE:                                   Oo, wala pong kaduda-duda diyan. Ang aking payo sa mga korap sa gobyerno, lumipat na kayo sa pribadong sektor. Dahil darating ang araw, hindi ho magtatagal, sisibakin kayo isa-isa sa puwesto.

WENG:                                                                Opo. Secretary, alam ko busy ho kayo ngayon diyan sa Marawi—sa turnover. Nandiyan na ho ba ang Pangulo?

SEC. ROQUE:                                   Inaantay na ho namin, at kahit anong oras ay parating na po siya.

WENG:                                                                Okay. Limangdaan ho iyong mga houses ang maite-turn over ano ho?

SEC. ROQUE:                                   Opo, opo… limandaan po iyon.

WENG:                                                                Okay. Iyong mga residente naman na makatatanggap ho diyan, ano ho ‘yan Secretary, aakyat ho sila ng entablado? Isa-isa, bibigyan ho ng…

SEC. ROQUE:                                   Ah hindi naman po, kasi papunta pa kami ng Lanao Del Norte para naman pulungin iyong mga naging biktima ng bagyo at baha.

WENG:                                                                Okay. Well Secretary, inaasahan ba magsasalita ang Pangulo ngayon diyan?

SEC. ROQUE:                                   Opo, magsasalita po siya ngayon dito.

WENG:                                                                Alright. Secretary Harry Roque, congratulations sa… for the year ha na naging accomplishment. Bahagi ho kayo doon ng success ng ating pamahalaan, and looking forward to 2018 to be more fruitful and more projects to come na gagawin ng ating pamahalaan.

SEC. ROQUE:                                   Okay. Salamat po at magandang hapon po.

WENG:                                                                Salamat. Si Secretary Harry Roque, ang ating Presidential Spokesperson.

###

Source: PCOO-NIB (News and Information Bureau)

Resource