Interview

Interview with Presidential Spokesperson Harry Roque by Rowena Salvacion (Say Mo, Say Ko, Say N’yo – DZBB)

ROWENA: Sir, magandang hapon.

SEC. ROQUE: Magandang hapon Weng, miss na kita… pasyal ng Malacañang.

ROWENA: Oo, nga (laughs). Don’t give out any ideas (laughs). Sir una muna gusto kong matanong kasi, parang hindi ka ba nahihirapan na you’re wearing two hats sa Malacañang? Presidential Spokesperson ka na, Adviser ka pa para po doon sa human rights.

SEC. ROQUE: Hindi naman po, kasi iyong pagpaparating ng mensahe ni Presidente ay kinakailangan din na hindi lang tayo magsasabi na hindi kinokondena ni—o hindi kinokonsinte ni Presidente iyong patayan sa lipunan, kundi iyong Tagapagsalita mismo nung mga hakbang na ginagawa ‘no para mabigyan ng solusyon iyong problema ng patayan ‘no. So sa atin po, it will enhance iyong aking papel bilang spokesperson dahil alam ninyo hindi lang ako salita nang salita.

ROWENA: Ah sabi nga—kayo po ay—bago pa nga kayo naging kongresista, sa tagal-tagal na nako-cover kita kahit noong nasa UP ka pa eh, talagang human rights ang advocacy mo eh. Ngayon na nandito ka sa Malacañan, mayroon ka nang titulo na ‘Adviser on Human Rights’ ng Presidente. Ano iyong—nakapagbigay ka na ba ng payo sa Presidente since na mag-assume ka ng title na ‘yan?

SEC. ROQUE: Alam mo maniwala kayo’t hindi, wala kasi kaming pinagkakaiba ni Presidente pagdating sa usaping karapatang pantao. Naniniwala siya na ang pulis naman eh reresbakan niya kung tama ang ginagawa ‘no, kung mayroong namatay kinakailangan, dahil resulta ‘to ng isang lawful engagement, pero may necessity, merong proportionality. At gaya noong naging ehemplo sa kaso ni Kian, sapat na ba na ang pulis ay pumatay lang nang walang dahilan, eh siya na mismo ang mag-o-order na ipakulong ang pulis.

Tama naman po ang ginagawa ng Presidente, ‘yan po iyong tinatawag nating tamang human rights standard ‘no dahil hindi naman ipinagbabawal ang paggamit ng dahas ‘no. Kinakailangan lang, mayroong necessity at mayroon pong proportionality. So pagdating po diyan, nagkakaisa po kami ni Presidente… pero si Presidente naman, hindi lang siya abogado, siya po’y naging piskal ng anim na taon ‘no, at napakadami rin niyang mga kasong murder na na-prosecute.

ROWENA: Eh doon sir sa ano, nagbabalak na si Presidente na ibalik sa PNP ‘di po ba iyong war against drugs. When you were a congressman sabi ninyo, mayroon kayong hinahanap palagi sa bawat operation ng Philippine National Police noon eh, iyong report ‘di po ba na kasama iyong prosecutor mismo para malaman na nagkaroon talaga ng—ah na regular ‘no, mayroong—tama iyong presumption of regularity sa bawat operasyon ng Philippine National Police laban sa droga.

SEC. ROQUE: Eh iyon na nga po ngayon ang aking gagawin bilang isang Presidential Adviser. Kasi sa Kongreso matapos mapasa ang budget, kinalimutan na ako ‘no, nagbigay sa akin ng parang pitong kaso tapos kinalimutan na ako dahil napasa na ang budget. Eh ngayong tayo po’y concurrent na human rights adviser din, eh puwede ko nang habulin, nasaan iyong mga inquest report na ‘yan ‘no. Kasi dapat—ah mayroong namatay, dapat mayroong inquest report para mapatunayang tama iyong gawain ng pulis ‘no, so asahan ninyo po ngayon, iisa-isahin po natin ‘yang mga inquest report na ‘yan.

ROWENA: Naniniwala ka ba sir na may pangangailangan para mag-review o mag-revise ng rules of engagement ang PNP kapag they take on again the war against drugs?

SEC. ROQUE: Wala naman po eh, dahil malinaw naman po, inaasahan po sa lahat ng kapulisan ‘yan. Ang kinakailangan lang po talaga ipatupad, at ang katungkulan naman ng mga mamamayan, ng civil society, iyong mga abogado… eh kinakailangan magkalap din sila ng ebidensiya kung umaabuso ang kapulisan. Dahil kapag walang ganiyang ebidensiya, eh hindi ko naman maitatanggal iyong sinasabi ngang presumption of regularity.

ROWENA: Uhum… May mga pangamba po kasi Secretary iyong mga kapwa ninyo kongresista dati, na dahil ngayon hahawakan na naman ng PNP iyong war against drugs, baka lumala na naman iyong kaso ng mga patayan, paano po ito sasagutin ng Malacañang?

SEC. ROQUE: Well alam mo talaga pati ako, hihingi na ako ng guidance kay Presidente. Kasi noong minsan nga eh, nai-report na halos ibabalik na niya talaga sa pulis ang war on drugs. Pero noong magkasama kami noong isang gabi lamang, noong kasama namin iyong mga biktima ng Maguindanao Massacre, noong 23rd of November, sabi niya pinag-iisipan pa rin niya ‘no. So bukas po magkikita kami ni Presidente, magkasama kami sa Sultan Kudarat, isa po ‘yan sa pag-uusapan namin siguro sa eroplano at saka sa helicopter kung ano talaga mangyayari dito sa war on drugs.

ROWENA: Ah… So as we speak, wala pa siya talagang concrete na desisyon at diretso na ibabalik na talaga sa PNP?

SEC. ROQUE: Opo. Kasi noong minsan napanood ko iyong interview niya, na parang halos ibabalik na niya ‘no. Pero wala po ako doon noong ginawa iyong interview na ‘yan. Tapos noong nagpulong kami kasama noong mga biktima ng Maguindanao Massacre, lumabas na naman iyong topic, ang sabi niya pinag-iisipan pa rin niya ‘no. So, lilinawin ko po itong Lunes na ito kung ano talaga ang sasabihin ko na sa publiko ‘no. Pero tingin ko, pinag-iisipan pa rin ‘yan ni Presidente hanggang ngayon.

ROWENA: Ah, so iyong lahat ng mga pronouncement na iyon ng mga taga-oposisyon, ng mga kritiko doon sa war against drugs before ng PNP, sa ngayon baseless pa, premature?

SEC. ROQUE: Mukha po eh, kasi ‘yun talaga iyong sinabi niya noong nandoon ako personal ‘no, na nadinig ko mismo ‘no, na pinag-iisipan pa rin niya ‘no. At kaya nga po importante na once and for all eh tanungin ko siya. Pero ako mismo ‘no, parang nagbago na ako ng deklarasyon, kasi noong nakita ko siya sa telebisyon na hindi niya ako kasama, talaga namang kung madidinig mo iyong sinabi niya, parang may desisyon na siya at pero… iyon nga po nung kasama niya ako kailan lang ay mukhang nag-iisip pa rin.

ROWENA: Okay. Sir doon naman po sa peace talks, samantalahin ko na iyong pagkakataon dahil ngayon lang tayo ulit nagkausap, at nandiyan ka na sa bago mong posisyon ngayon. Ano iyong naging trigger point kay Presidente, iyong lumagot ng pisi niya sa pakikipag-usap sa rebeldeng komunista para mag-decide na ideklara silang terorista at sarahan na ng pinto iyong peace talks?

SEC. ROQUE: Eh naalala ninyo, mayroon pong batang opisyal… officer ng Armed Forces na napatay parang diyan po ‘ata sa Davao ‘no – doon po talaga nagalit si Presidente kasi nga, habang nakikipag-usap ng kapayapaan, bumaba naman iyong pag-aatake sa mga sundalo ‘no. So sa tingin ko, doon napikon ang Presidente na paulit-ulit na inaatake ang kaniyang mga sundalo, samantalang patuloy pa rin iyong pag-uusap – at ang NPA naman ang humingi rin ng pagpapatuloy ng usaping ito. So talaga lang kinakailangan magpakita ng good faith itong mga komunista, dahil sa ngayon po talaga eh napika na ang Presidente.

ROWENA: Ibig po sabihin nito Secretary, ay wala na tayong maaasahan na suspension of military and police operations pagdating ng Pasko? Kasi normally, kapag ganitong holiday season eh nagdedeklara kahit unilateral ang pamahalaan natin, para matigil iyong putukan ng magkabilang panig.

SEC. ROQUE: Well, ang sinabi lang naman ng Pangulo ay hindi na siya makikipag-usap ng kapayapaan sa mga komunista, hindi naman niya sinabi na wala na ring Christmas furlough ‘no. So, tingnan po natin dahil wala pa naman ang Pasko.

ROWENA: Ang alegasyon po ni Joma Sison ay si Presidente daw po ang sumasabotahe mismo sa peace talks.

SEC. ROQUE: Naku, unfair po talaga ‘yan… dahil nakita naman natin, talagang—[phone line cut]

ROWENA: Ah iyon… sayang naputol. Balikan po natin iyon ha, kay… si Secretary Harry Roque. Pasensiya na Sec., at talagang naabala ko ang kaniyang Sunday.

(**Note: Interview with Sec. Roque did not resume.)

###

 

Resource