Interview

Interview with Presidential Spokesperson Harry Roque by Red Failon / Failon Ngayon / DZMM

FAILON: Sec. Harry, sorry ha, wala na po akong malapitan, wala ho akong matawagan ngayon kasi iyong isa po ay hindi sumasagot sa telepono at baka iyong iba po ay naka-holiday mode. And ako ho naman, feeling ko ho kayo po’y kongresista, you’ve been travelling all around ano po at bilang party list po, ang inyo pong coverage ay nationwide. Baka lang po kayo ay makatulong po dito sa hinaing ng ating mga kababayan and you can call some people in government. Kasi po ngayon, may mga stranded sa pantalan, dito sa ating port ‘no, sa Manila port natin, mga pauwi ng probinsiya. Pauwi ng Cebu, pauwi ng mga probinsiya. Ngayon, iyon pong 2GO na shipping company, may mga ganoon silang biyahe.

SEC. ROQUE: Opo.

FAILON: All right. If you know, kayo po sa Kongreso, nag-hearing po kayo diyan, iyong passenger bill of rights ‘di ho ba, mayroon tayong ganoon, sa mga pasahero po ng eroplano, right?

SEC. ROQUE: Opo.

FAILON: Doon po klaro, Secretary, Attorney, na kapag fault ng airline, obligado kang pakainin iyan, obligado kang bigyan ng load iyan para makapagtext. May mga ganoong bagay ‘no.

SEC. ROQUE: Opo.

FAILON: Dito po sa pantalan ngayon, may mga tatlongdaang stranded na pasahero. Ang ikinakatwiran lang po ng 2GO shipping ay dahil daw po sa mga may na-cancel na mga papunta rito na katwiran lang po nila iyon. But we would like to find out kung ano ba talaga ang katotohanan dahil po itong mga nasa labas ngayon ay hindi man lang pinapapasok po ng pantalan, sa port, and then ang iba roon ay araw na nasa kalsada and the situation really is so difficult.

So ang amin po dito, sino bang ahensiya po ang pupuwedeng tumugon lamang, malaman, number one: Kanino bang fault ito? At kung saka-sakali po ba, ano ba ang obligasyon kung fault ng shipping line dito sa mga pasahero na hindi naabisuhan, na galing ng probinsiya pasakay po ng barko, Secretary?

SEC. ROQUE: Well, ito po ay nasa ilalim ng DOTr ‘no. At kung ito po ay mga pantalan, so ito po ay sa ilalim po iyan ng PPA. At titingnan po din natin kung mayroong hurisdiksyon ng MARINA ‘no.

Pero saang pantalan po ito na-stranded, iyong mga pasahero?

FAILON: North Port natin, Manila North Port. Ito hong sa pier natin, sa pier sa Manila.

SEC. ROQUE: Okay, okay. Pagkatapos na pagkatapos po nating mag-usap ay tatawagan ko po si Secretary Tugade. Kung hindi po available si Secretary Tugade, iyong kaniyang spokesperson ‘no, o kung hindi naman kaya ay iyong isang undersecretary niya for ports. At tatanungin ko po kung anong sitwasyon diyan sa North Port.

Pero tama po kayo ‘no, ang mga pasahero po natin na mayroong ticket, mayroong kontrata sa panig nila at mga shipping companies na kinakailangan makarating sila doon sa kanilang destinasyon. Iyan po ay tinatawag na contract of carriage. At hindi naman po puwedeng balewalain na lang iyang kontratang iyan dahil sa mga kadahilanan na hindi naman malinaw. Kung mayroon talagang aberya, dapat mayroong advisory diyan ang ating gobyerno at malaman natin talaga kung ano ang tunay na dahilan. Dahil may mga ilan – hindi ko naman nilalahat – na ginagamit ang kasong pong ito maski iba ang dahilan ng mga aberya sa kanilang mga biyahe.

FAILON: Okay. So, Sec. Harry, uulitin ko, ako po ay humihingi po ng dispensa sa inyo dahil wala—kaya ho namin ginawa ito first time dahil wala ho kaming matawagan na po ngayon. And I really think and believe na kayo po bilang isang kongresista, alam ninyo po ang pulso ng bayan at kayo din po bilang, you know, alter-ego po Presidente, hindi rin po gusto ng Presidente na ganito ang sitwasyon po ng masang Pilipino. Ito ho kasi mga taong mahihirap eh.

SEC. ROQUE: Opo. Tama po iyan. At ang akin naman po ay talagang trabaho naman ng taong-gobyerno ang manilbihan kahit anong araw sa taon ‘no, at makakarating po ang mensahe ninyo. At asahan ninyo po, matapos tayong mag-usap ay gagawa na po tayo ng mga hakbang.

FAILON: Salamat, Sec. Harry. Mabuhay po kayo. Thank you very much. Salamat po.

SEC. ROQUE: Maraming salamat po, Kuya Ted. Magandang umaga po.

##

Source: PCOO-NIB (News and Information Bureau)

Resource