Interview

Interview with Presidential Spokesperson Harry Roque by Orly Mercado (All Ready / DWFM)

ORLY: Secretary Harry, good morning.

SEC ROQUE: Yes, Ka Orly, magandang umaga po.

ORLY: Okay, alam namin bising-busy kayo pero bigyan n’yo kami ng ng kaunting update at saka human interest sidelines. Ano ba ang mga napapansin mo diyan sa ano… aba ikaw ay you are in the middle of everything in this very important meeting, okay.

SEC ROQUE: Well, ang malinaw po ay si Presidente ngayon ay napatunayan na na siya ay isang kinikilalang lider hindi lang ng Pilipinas at sa Asia, kung hindi isa na sa lider na tinitingala sa buong mundo ‘no. Unang-una, doon sa APEC eh talaga namang siya ay—

ORLY: How was it?

SEC ROQUE: Opo. Itinaguyod nga po iyong karapatan ng mga maliiit na bansa na hindi masyadong nakikinabang doon sa globalization na tinatawag ‘no at iyan po ang naging tema ng kanyang pahayag at iyan naman po ay remarkably ‘no – itong pahayag – na sinabi rin ni Presidente Trump mismo ‘no na talagang kinakailangang magkaroon ng mga reporma ng sa gayon lahat makinabang dito sa tinatawag na proseso ng globalization.

At dito naman sa Maynila, bagama’t nagkaroon pa lang ng dalawang bilateral meeting, ang inaasahan natin dito ay magpapatuloy iyong malapit na pagtutulungan ng ASEAN bilang isang bloke at doon sa mga iba’t-ibang mga partner nation at economies ng ASEAN ‘no.

So ngayong araw na ito, siyempre ang inaabangan ng tao ay iyong bilateral sa ASEAN at saka ng Estados Unidos at iyong bilateral din ng ASEAN at ng bansang Tsina; bagama’t nagkaroon na tayo ng bilateral sa Tsina ‘no, so malinaw na kung ano iyong mga issues na talagang binigyan ng prayoridad ‘nung dalawang bansa – iyong isyu ng West Philippine Sea na ang sabi ng Tsina ay hindi magkakaroon ng militarization dahil hindi nasa interes ng Tsina na makapag-giyera. Pangalawa, iyong Code of Conduct na natapos na raw iyong framework ng Code of Conduct at inaasahan nila na sa lalong mabilis na panahon ay matatapos itong Code of Conduct na ito.

ORLY: Meron yata silang sinabi rin sa Freedom of Navigation?

SEC ROQUE: Opo. Nandiyan po, ang sabi ng bansang Tsina ay wala silang interes na pigilan ang kahit sino man na maglayag diyan sa South China Sea na tinatawag. Tatlo iyong isyu na nailabas at siyempre pang-apat iyong North Korea, eh ang talagang—siyempre talagang kapag nagkaroon ng aberya diyan ang apektado ay iyong mga karatig bansa at hindi iyong mga malalayong bansa. At dahil dito hindi nasa interes din ng Tsina na magkaroon ng paggamit ng dahas diyan sa North Korea at hinikayat niya na magkaroon ng diyalogo ang mga bansa.

ORLY: Harry, ang ating Pangulo ay meron ng well, personal na relasyon na rin with President Xi Jinping, even with Russian President Putin. Dito kay Trump, how was their first meeting? How they were getting along?

SEC ROQUE: Mukhang patok naman ang kanilang…patok na patok ang kanilang samahan ngayon, dahil mukha silang parehong masayahin, mukha silang laid back at pareho silang hindi gusto si Obama. Iyon ang isang basehan na kanilang—

ORLY: Common pet peeve.

SEC ROQUE: …pareho silang ayaw itong Obama. Mukha namang… matalik… naging matalik na magkaibigan itong dalawang Presidente sa kaunting panahon na sila ay nagkakilala. Kahapon ay relax na relax naman sila sa gala dinner ‘no. At game na game itong si President Trump na makipag-selfie sa mga miyembro ng Gabinete. So meron din akong selfie, Ka Orly ‘no. At bagama’t tayo nga ay nagkaroon ng pivot sa Asia, malinaw na isa pa rin sa tinatawag na rock star nitong pagtitipon na ito ay si US President Trump pa rin at kasama na diyan iyong Prime Minister Trudeau ng Canada.

ORLY: So ano ba ang naka-schedule ngayong umaga, opening ceremony ito?

SEC ROQUE: Yeah, in a few minutes magkakaroon na po tayo ng opening ceremonies at pagkatapos iyong ASEAN Summit po ng plenary; tapos iyong meeting ng ASEAN leaders with ASEAN business; tapos ang inaabangan natin is 1:15, iyong ASEAN-US Summit at saka pagkatapos niyan ay iyong 2:30, iyong ASEAN-China Summit.

Pagkatapos niyan, ako ay magkakaroon ng press briefing dito sa International Media Center ng alas-tres ‘no. 14,000 journalist ang naririto ngayon sa ating bayan ‘no na nagko-cover. Bagama’t ang gagawin ko sana ay iyong regular briefing ng Malacañang Press Corps, hindi pumayag iyong international press corps. So sasalang din tayo diyan, kasama iyong international media mamaya alas-tres.

ORLY: So far, you are going to be very busy. So, I will not hold on to you, pero thank you very much for updating us kung ano ang nangyayari at iyan ang aantabayanan namin, Secretary Harry Roque. Thank you.

SEC ROQUE: Maraming salamat din, Ka Orly, at magandang umaga po.

###

Resource