Interview

Interview with Presidential Spokesperson Harry Roque by Maeanne Los Baños / Punto Asintado / DWFM

LOS BAÑOS: Ito, sir, isa sa malaking balita natin itong pagkaka-appoint kay Captain Faeldon. Bagama’t po medyo nagkaroon ng problema iyong kaniyang stay sa BOC, ano ang naging rason bakit binigyan siya ng isa pang chance, sir?

SEC. ROQUE: Well, patuloy pa rin po ang tiwala sa kaniya ng Presidente, at alam ninyo naman po ang appointment iyan talaga ay executive in nature ‘no. So ibig sabihin pa lang niyan ay habang … bagama’t may mga paratang laban kay dating Commissioner Faeldon, hanggang hindi napapatunayan, ang Presidente naman bilang abogado ay bibigyan siya ng presumption of innocence at binibigyan siya ng pagkakataon na manilbihan uli sa gobyerno.

Alam mo kasi ibang klase din itong si dating Commissioner Faeldon ‘no. Iyan ay miyembro ng Magdalo, so naniniwala ang Presidente na mayroon talagang paninindigan at mayroong prinsipiyo ‘no. Kaya hindi siya naniniwala sa ngayon ‘no doon sa mga paratang laban sa kaniya.

LOS BAÑOS: Sir, gaano ka significant itong bagong posisyon ngayon ni Captain Faeldon under the Defense department po?

SEC. ROQUE: Well, itong Office of Civil Defense po, ito iyong gumagawa ng mga polisiya para po sa response natin kapag nagkaroon ng mga aberya. Alam ninyo naman itong buwan na ito, sunud-sunod ang bagyo na dumapo sa atin, so makikita na natin na napakaimportante nitong opisina na ito. Kinakailangan isang pinagkakatiwalaan talaga ng Presidente ‘no dahil napakadaming buhay ang nakasalalay dito sa tamang pagganap ng kanilang katungkulan dito sa Office of Civil Defense.

LOS BAÑOS: Tama, sir. And while he’s being … or he was appointed, he is still in the Senate custody, sir, ano; alam po ng Pangulo iyan. Ano po ang plano po ng Palasyo diyan, sir?

SEC. ROQUE: Well, alam ninyo naman, indipendyenteng sangay ang Senado. At sinabi naman ng ating mga senador, puwede pa rin siyang magtrabaho kasi policy making naman itong Office of Civil Defense. Hindi siya talaga iyong implementation, siya iyong gumagawa ng mga plano at mga hakbang para kung nagkaroon ng aberya.

So tingin namin ay hindi naman magiging balakid itong pagkakadetena kay dating Commissioner Faeldon, Assistant Secretary Faeldon ngayon ‘no, diyan sa Senado.

LOS BAÑOS: Opo. So talagang open kayo sa idea na sa loob siya ng Senate custody or Senate detention facility magtatrabaho for now, sir?

SEC. ROQUE: Kaya naman kasing gumawa ng policy making doon sa loob ng Senado mismo. Mayroon namang library diyan ang Senado, at I’m sure puwede siyang magkaroon ng researches diyan.

LOS BAÑOS: Sir, paano ang mga meetings? Pupuntahan na lamang siya doon if ever may meeting?

SEC. ROQUE: Opo, eh pampubliko naman po iyang Senado, lahat ng tao ay puwedeng pumasok diyan.

LOS BAÑOS: Opo. Sir, is there a way that you will encourage si Captain Faeldon na mag-appear sa susunod na hearings? Kasi kahapon, ang sinasabi ni Senator Lacson and Senate President Pimentel, the only way na palalayain nila is ma-resolve iyong kaso ng contempt which means, kailangan niyang umappear sa susunod na hearing para matapos na, sir?

SEC. ROQUE: Nasa kaniya po iyan ‘no. Hindi po namin panghihimasukan iyan. Pero ngayon mayroon na siyang bagong katungkulan, eh baka naman po maisip ni Captain Faeldon na itigil na nga ito nang sa gayun ay makapag-discharge na siya ng kaniyang katungkulan on a full time basis.

LOS BAÑOS: Sir, effective na ho ito, itong kaniyang position?

SEC. ROQUE: Opo, ang kailangan lang po ay manumpa siya. At puwede naman po siyang manumpa maski siya ay nakakulong diyan sa Senado.

LOS BAÑOS: Sir, bilang kausap na namin kayo, hindi po biro iyong achievements ng ating administrasyon for 2017 ano sa dami ho na nangyari, isama na natin iyong bigating ASEAN Summit. What’s next po for 2018, sir?

SEC. ROQUE: Well, tuluy-tuloy lang po tayo. Ang talagang ninanais ni Pangulo ay magkaroon nang mas matagalang kapayapaan at siyempre iyong pag-unlad ng ating bansa, na magkaroon tayong lahat nang mas kumportableng pamumuhay.

LOS BAÑOS: Speaking of kapayapaan, sir, paano ho ba ito eh mukhang hindi naman tumupad iyong NPA, sir, doon sa ceasefire?

SEC. ROQUE: Well, basta tayo ay hindi tayo nagtaksil sa ating pangako. Tayo po ay may isang salita. Hayaan na natin ang mga NPA na ipakita ang tunay nilang anyo na mga traydor. Pero ang mandato po ng Presidente, tuloy pa rin ang ceasefire para sa Bagong Taon. Pero siyempre, hindi naman tayo papayag na … na papayag na lang tayo na patayin ang ating kasundaluhan ng ating mga kalaban, kung kinakailangan puwede silang gumamit ng dahas by way of self-defense.

LOS BAÑOS: Sir, nakakakita ba tayo ng chances for peace negotiations by next year to resume given these instances po?

SEC. ROQUE: Dahil nga po sa katraydoran nila, baka malabo na po iyan. Pero sa panig po ng mga Moro naman ay naniniwala tayo na makakamit natin ang mas matagalang kapayapaan.

LOS BAÑOS: Oho, oho. What about, sir, ang sinasabi ng Senate bago matapos iyong session ay nakikiusap sila sa House na i-delay muna iyong impeachment proceedings kay CJ Sereno dahil unahin muna iyong Bangsamoro Basic Law. Does the Palace agree with that, sir?

SEC. ROQUE: Ay naku, hinahayaan po namin ang Kongreso na gawin ang kanilang katungkulan dahil sila po ay indipendyenteng sangay ng ating gobyerno.

LOS BAÑOS: But of course, the federalism, sir, is one of the top priorities po ng Pangulo, sir? Talagang gustong pa ring i-push iyan?

SEC. ROQUE: BBL and federalism are two of our priorities po.

LOS BAÑOS: Okay. Sir, any message before I let you go, I know you’re busy, sir.

SEC. ROQUE: Well, alam ninyo po talagang nakakalungkot na napakaraming aberya na dumating sa atin bago matapos ang 2017. Pero alam ninyo naman ang mga Pilipino, bahagi na iyan ng ating kasaysayan, palaging may mga pagsubok pero pagkatapos ng pagsubok, tayo po ay bumabangon at sumusulong pa rin at kaya nga po pagdating bagong taon ay mayroon pa ring bagong pag-asa.

Happy New Year po sa lahat ng ating mga kababayan.

LOS BAÑOS: Happy New Year, sir, at mabuhay po kayo na tuluy-tuloy na nagtatrabaho kahit mga holiday, sir. Happy New Year, sir.

SEC. ROQUE: Opo, opo. Iyan po talaga ang katungkulan ng ating mga taong-gobyerno.

LOS BAÑOS: Okay. Happy New Year, sir. Maraming salamat sa inyong oras.

##

Source: PCOO-NIB (News and Information Bureau)

Resource