Interview

Interview with Presidential Spokesperson Harry Roque by Alvin Elchico (Live from Vietnam) Fastbreak-DZMM

ALVIN:                                                                Muling kinumpirma ni Presidential Spokesman Harry Roque na nagkita na nga si US President Donald Trump at Pangulong Rodrigo Duterte. Maigsi pero cordial at warm, ‘yan ang pagkakasalarawan ni Spokesman Harry Roque sa pagkikita—nandito siya ngayon… Sir, live po tayo sa DZMM… can you describe a bit, papaano nangyari iyong meeting? Anong sinabi, may mensahe pa?

SEC. ROQUE:                                  Well, ito po ay doon sa pagpupulong ng mga leaders ng APEC countries ‘no, at matapos iyong pagpupulong ay pareho naman silang lumapit sa isa’t isa, at nagbatian ‘no. Mainit at mukha naman pong friendly iyong kanilang pag-uusap, at sinabi nga ni President Trump na magkikita sila bukas, dahil bukas na iyong simula noong ating ASEAN Summit.

ALVIN:                                                                Sabi po ninyo sa briefing kanina Secretary, na mukhang hindi papayag ang Pangulong Duterte na i-discuss o i-open up ni President Trump ang issue ng extra-judicial killing o kampanya against illegal drugs. Papaano iyon… why did you say that?

SEC. ROQUE:                                  Eh sinabi naman po ni Presidente eh, na talagang hindi pupuwedeng panghimasukan iyong mga bagay na internal at tinuturing ni Presidente na isang police matter itong war against drugs sa atin dito sa Pilipinas. Kagabi nga po ang sabi niya eh, hindi niya ipe-pursue. Hindi niya sasagutin siguro, hindi niya papansinin.

ALVIN:                                                                On other matters, sabi ninyo kanina na parang napatunayang ng Pangulo na isa siyang global leader sa iyong introduction. Why did you say that?

SEC. ROQUE:                                  Ay naku po, talaga naman pong… ang sinabi kasi ng Pangulo, maraming benepisyong nakukuha sa globalization, sa free trade. Pero katotohanan din na maraming hindi nakikinabang dito sa tinatawag nating globalization. So ang hamon, sang-ayon sa Presidente na siya’y nag____ hindi lamang sa ngalan ng mga Pilipino, kundi lahat ng mga hindi nag-benepisyo sa globalization at free trade ay dapat gumawa ng hakbang upang magresulta sa mas mabuting buhay ang globalization para sa lahat at hindi lamang sa mga mayayamang mga bansa.

ALVIN:                                                                Secretary, maraming nag-comment sa social media dahil ang akala talaga nila pupunta sa gala dinner ang Pangulo, as a matter of fact, ikaw mismo, sinabi mo pa na ang puwesto niya, parang sa gitna pa ni Russian President Vladimir Putin at ni Keqiang.

SEC. ROQUE:                                  Talagang nasa plano naman talaga na mag-a-attend si Presidente. At dahil siya ay Chairman nga ng ASEAN, lahat ng mga opisyal na function ay ina-attend-an niya. Iyong ibang mga leader gaya ni Trump, ni Trudeau at saka ni Abe ay nag-a-absent doon sa ibang mga panels ‘no pero siya, sinisiguro niya na nandoon siya. Pero talagang may mga importanteng bagay lang ‘no, kasi talagang bukas na ang simula ng ASEAN, darating na kami ng Maynila alas onse ng gabi, at simula na the following day ‘no. So marami talagang inaasikaso dahil diyan sa ASEAN Summit, at napakadaming mga leaders na darating din, at kasama diyan iyong US President.

At saka iyon nga po, iyong… mabuting pag-recover doon sa tatlong kidnap victims diyan sa Sulu, biktima ng mga Abu Sayyaf ‘no. Siyempre naman nandito tayo sa Vietnam, eh medyo sensitibong bagay ito, pero tingin ko eh pinapakita rin ni Presidente na noong siya’y nangako noong bilateral natin sa Vietnam na gagawin ang lahat ng hakbang para ma-recover itong mga… iyong mga victims na ito ay hindi lang salita ito ‘no. So pinakita niya sa ating mga kaibigang Vietnamese na talagang hindi lang salita, kundi aksyon kaagad.

ALVIN:                                                                Well, sa ASEAN, ano ang pag-uusapan ni President Duterte at President Trump sa ASEAN Summit naman, sigurado na yung bilateral [unclear]?

SEC. ROQUE:                                  Sigurado naman ako, lalabas at lalabas diyan ang West Philippine Sea ‘no, at sigurado ako na pareho silang nagnanais na magkaroon ng bagong depenisyon kung anong maging relasyon natin, dahil hindi na nga pumapayag ang ating Presidente na para tayong sunud-sunuran lang sa mga Amerikano.

ALVIN:                                                                Ito pa o, will or China is… ang mission natin sa China code of conduct, ang gusto naman ng America, freedom of navigation.

SEC. ROQUE:                                  Hindi naman inconsistent ‘yan ‘no, kasi iyong code of conduct eh sasabihin lang natin talaga kung paano iyong up fact. Samantalang…habang ang China ay nag-i-insist na mayroon silang titulo doon sa mga karagatan na ‘yan ‘no, eh nandiyan naman talaga iyong desisyon ng arbitral tribunal na nagsasabi na karamihan diyan ay exclusive economic zone lamang ‘no at talaga namang mayroong kalayaan ang paglalayag.

ALVIN:                                                                Ngayon babatiin na natin si Secretary Roque, dahil first din niyang nag-host ng isang international press conference, mukhang maayos naman ang comment, pinapawisan ng konti pero yakang-yaka…

SEC. ROQUE:                                  Well actually ho, hindi ko inaasahang may mga dayuhan doon. Medyo for the first time, aamin ako, ninerbiyos ako ‘no sa dami nila ‘no. At saka siyempre, iyong mga malalaking news agency, medyo agresibo sila ‘no. So… pero I guess, it’s matter of expectation, akala ko puro Pilipino lang, pagdating ko doon… oops, napakadaming dayuhan. Pero medyo… medyo, pero masasanay din tayo diyan.

ALVIN:                                                                Maraming, maraming salamat po. ‘Yan po si Presidential Spokesperson Harry Roque.

###

Resource