Interview

Interview with Presidential Communications Operations Office Secretary Martin Andanar by Rod Marcelino (Straight to the Point – RMN)

(12:29)

MARCELINO:                                  Nasa linya na po natin ngayon si PCOO Secretary Martin Andanar. Opo, ang isa po sa mga kaibigan natin ‘no dito sa DZXL. Secretary, maayong hapon.

SEC. ANDANAR:                            Maayong hapon, Rod… Magandang hapon po sa lahat ng nakikinig sa inyo.

MARCELINO:                                  Opo, nasaan ka ngayon Secretary nasa Marawi ba?

SEC. ANDANAR:                            Nasa Maynila ako ngayon

MARCELINO:                                  Kasi iyong linya po ninyo. Opo, medyo malabo iyong linya, akala ko nasa Marawi kayo ngayon (laughs).

SEC. ANDANAR:                            Mahina talaga dito sa ano, sa may Quezon City, bandang Timog.

MARCELINO:                                  Ah, okay. Opo, sige po. Tumawag kami Secretary, gusto lang namin linawin itong balita, kasi medyo excited na daw iyong mga sundalo ngayon ‘no doon sa sinabi ni Pangulong Duterte na dadalhin niya lahat po ng mga sundalo na nakipagbakbakan diyan sa Marawi, right after ‘no iyong giyera diyan sa Marawi.

SEC. ANDANAR:                            Oo…

MARCELINO:                                  Gaano ho ba kaseryoso na sinabi ito ng ating Pangulo? Kasi nag-aabang na daw po iyong ating mga sundalo ngayon doon sa kaniyang sinabi.

SEC. ANDANAR:                            Iyong mga sundalong babae na napasabak sa Marawi mula Day 1 hanggang Day 148, nangako si Pangulong Duterte na dadalhin niya sa… papabiyahehin niya ng Hong Kong. Sagot ng Cebu Pacific iyong pamasahe, pero iyong hotel sagot ni Presidente.

MARCELINO:                                  Pati iyong pocket money na?

SEC. ANDANAR:                            Eh, malamang siguro (laughs)… Siyempre kailangan may konting panggastos.

MARCELINO:                                  So ito iyong mga babaeng sundalo na tumulong sa ano po ‘no, doon sa mga Bakwit…

SEC. ANDANAR:                            Marawi…

MARCELINO:                                  Opo, sa mga Bakwit.

SEC. ANDANAR:                            Basta… iyong sa… kasama rin doon sila…

MARCELINO:                                  Ah… oo. So hindi lang iyong ano, kasi ‘di ba nagpadala din iyong ating gobyerno ‘no lately ng mga babaeng sundalo, may mga pulis din nga tumulong sa mga Bakwit para…

SEC. ANDANAR:                            Opo… Tutal nabanggit mo iyong na-involve po na female soldiers sa Marawi, opo.

MARCELINO:                                  Oo, lahat ng female. Eh papaano naman iyong mga sundalo, iyong mga—

SEC. ANDANAR:                            Lalaki, iyong mga lalaki…

MARCELINO:                                  Lalaki, oo…

SEC. ANDANAR:                            Naku, hindi ko alam kung anong magiging incentive ni Presidente sa kanila, pero iyong mga injured din na mga sundalo na malabo nang makabalik sa AFP dahil naputulan na ng kamay o paa, sabi ni Presidente huwag silang mag-alala dahil hindi niya sila pababayaan, bibigyan ng Pangulo sila ng trabaho.

MARCELINO:                                  Oh ‘yun…

SEC. ANDANAR:                            Opo, oo… ‘yon.

MARCELINO:                                  May iba pa bang magandang balita ang ating Pangulo kung tapos na itong giyera sa Marawi para sa ating mga sundalo, bukod doon sa mga female soldiers na ipapabakasyon niya sa Hong Kong? Iyong iba pang mga sundalo na sumabak diyan, ano pa ba ang naririnig ninyong plano ng ating Pangulo para sa kanila?

SEC. ANDANAR:                            Well so far naman lahat din talaga ng mga sundalo lalo na iyong mga wounded ay binibigyan ng incentive ng ating Pangulo. So ano na ito, simula’t sapul naman kaya hindi ako magtataka kung—so kung magbibigay pa si Presidente ng incentive. Pero alam mo nabanggit niya noon na mayroon siyang 2 billion fund para sa education. Naalala mo iyon?

MARCELINO:                                  Oo. Oo para sa mga anak—

SEC. ANDANAR:                            Bigay ni Presidente para sa mga—oo para sa mga anak ng sundalo. Kaya huwag silang mag-alala dahil ang kanilang mga anak ay siguradong makakapagtapos.

MARCELINO:                                  Ah iyon, okay. Pero iyong iba, Secretary sinasabi nila mas maganda daw kung—Opo—

SEC. ANDANAR:                              Iyon lang ho ang narinig ko eh.

MARCELINO:                                  Oo.

SEC. ANDANAR:                            Iyon lang po iyong nakuha ko. Baka kung mayroon kang narinig na iba?

MARCELINO:                                  Hindi, pero hindi ito ay galing naman sa panig ng mga sundalo, Secretary. Eh mas maganda daw sana ‘no kung sasabihin ng Pangulo, ‘Okay, aprubado na iyong salary increase ninyo,’ [laughs].

SEC. ANDANAR:                            Ang alam ko iyong mga pulis.

MARCELINO:                                  Ang mga pulis, opo.

SEC. ANDANAR:                            Iyong mga pulis natin ngayon January. Eh mayroon na hong salary increase. Hindi ko lang sure kung ganun din sa mga sundalo—

MARCELINO:                                  Sa AFP? Oo eh kasi iyon daw sana ang pinakamagandang regalo ng ating Pangulo.

SEC. ANDANAR:                            ‘Di bale lahat naman ito in God’s time.

MARCELINO:                                  Opo.

SEC. ANDANAR:                            Eh darating din.

MARCELINO:                                  Opo. Opo. Alright, anyway. Maisingit ko lang ito, Secretary ‘no, alam ko medyo busy ho kayo.

SEC. ANDANAR:                            Opo.

MARCELINO:                                  May reaksiyon na ba iyong Malacañang doon sa ginawa pong desisyon ng DOTr na para kanselahin iyong contract nitong maintenance provider ng BURI (Busan Universal Rail Inc.)?

SEC. ANDANAR:                            Mayroon hong ano? Ano po?

MARCELINO:                                  Opo ang reaksiyon rito ng Palasyo po. Kasi sabi ng DOTR kanselahin na po iyong contract ngayon nitong maintenance provider ng BURI (Busan Universal Rail Inc.) dahil hindi naman nakakapag-perform?

SEC. ANDANAR:                            Well, ito iyong sa MRT ‘no, ito iyong sa MRT?

MARCELINO:                                  Opo sa MRT tama po.

SEC. ANDANAR:                            Alam ninyo kung ano po iyong desisyon ni Secretary Art Tugade ay iyon po iyong kaniyang mandato para patakbuhin ng maayos iyong DOTr. So rerespetuhin po natin kung anong desisyon ni Secretary Art Tugade. Si Secretary Art naman ay isang magaling na abogado. I’m sure he has done through the legality to it. So let us just hope that ang ating MRT po ay mag-improve iyong kaniyang serbisyo. So hindi na baka tumirik sa kalagitnaan ng biyahe kasi ang kapakanan ho talaga ng lahat ng mga mananakay ang pinakamahalaga dito.

MARCELINO:                                  Alright sir. Opo. Anyway, Secretary, we will not take much of your time. Daghang salamat kayo Secretary ha sa imong oras at panahon. Mabuhay kayo.

SEC. ANDANAR:                            Daghang salamat, Rod. Kung maaari eh ipa-text mo iyong number mo sa akin kasi parang wala akong mapag—

MARCELINO:                                  Sige, sige, Secretary, opo.

SEC. ANDANAR:                            Salamat kaayo.

MARCELINO:                                  Daghang salamat, Secretary.

###

Resource