Interview

Interview with Presidential Communications Operations Office Secretary Martin Andanar by Noel Alamar & Neil Badion (DZMM)

25:33

Q:                                                           Samantala, nasa linya natin si Secretary Martin Andanar ng Presidential Communications Office, ito yung tungkol doon sa accreditation daw ng mga blogger ano, na gawing parang accredited na sila para mag-cover sa mga activities ni Pangulong Rodrigo Duterte pero dapat may 5,000 followers ka. Magandang hapon po Secretary, kamusta na po kayo?

SEC. ANDANAR:                            Magandang hapon. Si Noel at si Neil po ba ito?

Q:                                                           Opo.

SEC. ANDANAR:                            Oh, magandang hapon. Maganda’t nabigyan ninyo po ako ng pagkakataon na pag-usapan ‘yan. Actually… ah number one, iyong Department Order No. 15, it is actually an interim social media policy. So meaning, for the intervening time na hinihintay po natin iyong mga panukala naman ng mga kasamahan natin sa mainstream media which we are actually waiting since—for a few months already. Now, number one kailangan mayroon kang 5,000 followers, but what is most important dito ay kailangan, ay isa kang blogger or social media practitioner na consistent na gumagawa, nagki-create ng original news content.

Q:                                                           Oo. Hindi kopya-kopya lang.

SEC. ANDANAR:                            Hindi kopya-kopya lang, and of course hindi iyong fake news.

Q:                                                           (Laughs)

SEC. ANDANAR:                            Oo, at number two when we say content na consistent, it has to be on a daily basis, okay. So number three, let me also qualify that ang mga social media practitioners at iyon pong mga bloggers na i-accredit natin, we are accrediting them as social media practitioners and bloggers, not as journalists. Hindi po sila miyembro ng Malacañang Press Corps, hindi po sila reporters.

Because we also want to differentiate and give premium and respect to the industry, kung saan tyo nanggagaling, na tayo po ay media at ginugol natin ang ating panahon para maging reporter, nag-aral ng apat na taon. Tapos tayo po’y nag-night beat reporter hanggang sa narating natin iyong tugatog ng tagumpay bilang reporter, at na-assign tayo sa Malacañang. We respect that, and we want to continue with that kind of tradition.

Now, ang pagbigay din po ng accreditation sa bloggers, sa social media practitioners, it’s on an event basis. So meaning, kung nasa Baguio ho kayo at gusto ninyong mag-cover ng PMA graduation rites, ikaw ay isang blogger at naaprubahan kayo, on that day itself ‘pag natapos na iyong event, mag-e-expire din ‘yung iyong accreditation.

Q:                                                           Ah, doon lang sa event mismo Sec.?

SEC. ANDANAR:                            Sa event lang mismo na iyon, hindi po tulad ng sa MPC na lahat po ng activities ng Presidente ay puwede po kayong mag-cover, you don’t need to apply and reapply and apply again, hindi po. We are fairly distinguishing kung ano po iyong roles ng journalists at kung ano po ang roles ng mga bloggers. Now with the question of, papaano ‘yan, iyong mga pro-Duterte lang ba iyong puwedeng mag-apply. Hindi po, we are encouraging also the objective ones, the neutral ones, lalong-lalo na iyong mga anti, iyong mga critical. Because we want to encourage you to cover para malaman ninyo kung anong klaseng presidente pala si PRRD, very transparent, makikita ninyo how he works. So wala pong diskriminasyon sa mga bloggers po.

Q:                                                           Iyon nga iyon Sec. eh, kasi baka sinasabi nila itong mga bloggers na ito eh puro pro-Duterte. Buti nanggaling po sa inyo, na ibig sabihin kahit sino puwede. Pero siyempre iyon nga lang, may dadaanan na proseso at may mga boundaries at limitations katulad nga po ng binanggit ninyo na sa isang event lang, after the event tapos na. Maliban po ba doon, ano pa ho iyong mga boundaries/limitations nitong mga bloggers na ‘to?

SEC. ANDANAR:                            Salamat sa tanong Neil at Noel. Isa pa diyan is that, unlike the journalists who are covering already, dalawang beses po mag-a-apply iyong isang blogger. Kukuha siya ng accreditation sa PCOO, tapos kukuha din po siya ng approval sa PSG. So ‘pag ikaw po ay kumuha ng accreditation ang inaprubahan ka ng PCOO, eh pero hindi ka inaprubahan ng PSG for security reasons ay hindi po kayo makaka-cover.

Q:                                                           Okay, malinaw iyon. Secretary who verifies the information they put out? Paano makakasigurong hindi fake news iyong ilalabas nila?

SEC. ANDANAR:                            Ang sa atin po is, we will verify the information of the person, the background of the blogger. Of course pagdating doon sa news, makikita naman natin through the history of their write ups, iyong kanilang mga—binlogg[blogged] nila, kung sila ba ay talagang bonafide na blogger. So we will make sure na ganoon po, na hindi po makakapasok iyong ano, iyong nagkukunwari lang na blogger, iyon pala hindi pala seryoso sa ginagawa niya.

Q:                                                           Secretary, nakapasok na sila, okay na, nabigyan na ng accreditation. Ngayon nagsulat sila tungkol doon sa event na pinuntahan nila, mayroon ho ba kayong grupo na magmo-monitor sa kanila kung ano iyong ginawa nila?

SEC. ANDANAR:                            Opo. Ito po iyong Social Media Office ni Assistant Secretary Mocha Uson. And of course tayo din naman sa PCOO, we will also take the effort, we’ll make a must to monitor kung ano po iyong sinusulat nila. As long as hindi fake news, wala namang problema. I mean you can be critical, you can all or you can be balanced, wala pong problema iyon.

Q:                                                           Oo. Noong unang lumabas itong balitang ito Secretary, ewan ko kung nag-monitor kayo ng social media, aba’y talagang… lalo na iyong mga tunay na journalist, sinabing “Ako’y nagpakadalubhasa. Ako’y nag training…” iyon pala may 5,000 followers ka na, kuha na Charlie ‘di ba, oo. Paano daw iyong information na ilalabas ay hindi tama, pero legit na blogger naman siya?

SEC. ANDANAR:                            Well kung fake news iyon, well of course mamimiligro iyong second application mo, or kung halimbawa hindi naman tama iyong sinulat mo, klarong-klaro mali-mali iyong detalye ay it will affect of course the credibility of the blogger.

Q:                                                           Oo. Pero ang malinaw, maganda iyong sinabi ninyo kanina Secretary, iyon iyong malinaw na malinaw na hindi naman ito parang… member na ako ng Malacañang Press Corps, ito iyong blogger magiging member ng Malacañang Press Corps… parang hindi ganoon – parang on an event basis lang kumbaga.

Q:                                                           Hindi lahat ng mga nangyayari sa Pangulo, iyong mga istorya tungkol sa kaniya ay puwede nilang kunin na istorya. Tama po ba?

SEC. ANDANAR:                            Tama po kayo. So ibig sabihin, iyong ID po na ibibigay sa inyo, sa blogger ay mayroon pong expiration. So halimbawa, for August 11 only.

Q:                                                           Ayun, oo. Mayroon po kasi dati, iyong mga nakaraang administrasyon, hindi ko pa nararanasan iyon… kunwari may event iyong presidente, kunwari po pupunta sa isang bayan kunwari, kunwari Legazpi ano po. Iyong mga media, bibigyan ng sticker – name, outlet, tapos naka-imprint doon kunwari “Presidential visit to Legazpi,” iyong parang ganoon ba. Pagkatapos ng event, tapos na iyon.

SEC. ANDANAR:                            Oo ganoon, ganoon po mangyayari sa kanila.

Q:                                                           Parang ganoon, oo. Kunwari, “Presidential visit to Marawi,” tapos nakalagay iyong date. So after ng visit, wala na—

Q:                                                           Alis na.

Q:                                                           Oo, kasi hindi naman ID Secretary, ito nama’y mai-suggest ko lamang, hindi naman ID iyon, kundi parang sticker ba pero kasing laki noong ID.

SEC. ANDANAR:                            Opo.

Q:                                                           Oo, kasi kung ID baka… alam mo na, may hocus-pocus, tanggalin iyong mga date, tanggalin iyong event, tapos may mga ID diyan ang yabang na, ‘di ba?

SEC. ANDANAR:                            Oo, iyong sticker na ginagamit sa mga exhibition, iyong mga ganoon ‘di ba?

Q:                                                           (Laughs)

SEC. ANDANAR:                            ‘Di ba? Hindi ganoon iyon ‘di ba, tapos pagkatapos noon wala na ‘di ba, hindi mo na mauulit pa.

Q:                                                           Opo. Secretary kailan po ba magsisimula ito, para malaman…?

SEC. ANDANAR:                            Hindi, hinihintay ko pa. Hinihintay natin kung mayroong mag-a-apply.

Q:                                                           Pero, open na po?

SEC. ANDANAR:                            Open na po siya, once po na mayroong mag-apply, then they will start processing. Depende po sa blogger ‘yan kung gusto nilang mag-cover.

Q:                                                           Oo. Sa legit media practitioner, kunwari iyong laging nagko-cover sa president, let’s say Malacañang Press Corps, ‘pag may mali, puwede ninyong habulin ano. Kung iyang mga blogger na ‘yan may mali, paano po? Someone will be in charge to handle them or iyong parang ganoon?

SEC. ANDANAR:                            Of course, of course tama po kayo sir. Ganito kasi iyon, the difference is that the legitimate media, you’re accountable to two institutions – one is your media institution, your organization and one is the Constitution, ‘di ba, to the government. So puwede kang habulin, puwede kang kasuhan ng libel ‘di ba? But sa mga bloggers, iyong wala pong media entity, wala namang organization na maghahabol sa kanila. So it will be the Palace that will do the check to the veracity of the reports.

Q:                                                           Uhum. Sec. alam naman po natin gusto nila ‘yan, freewill nila ‘yan kung gusto nilang sumama diyan sa binabanggit ninyo pong ‘yan. ‘Pag may pupuntahang silang event ni Pangulo, pinayagan sila doon, binigyan sila ng ID, sila po ba’y… papaano po ‘yan, mayroon po ba silang sarili nilang…gastos po ba ‘yan or mayroon sasakyan na provided ng Malacañang—

Q:                                                           O may suweldo…

Q:                                                           Mayroon po ba silang suweldo?

SEC. ANDANAR:                            Wala pong honorarium, wala pong suweldo. Sila po ay—kung plano nila pumunta, halimbawa lumipad somewhere else, sila po ang magbabayad ng sarili nilang—

Q:                                                           Gastos nila, maliwanag.

SEC. ANDANAR:                            Gastos po nila iyon. Except for coverage na halimbawa dito lamang sa Metro Manila and we provide the van ‘di ba usually, nagpo-provide, then siguro naman papayagan sila ng MPC na sumabay sa van.

Q:                                                           Pero ‘pag iyong malalayo na ang event… sarili na nila.

SEC. ANDANAR:                            Ay hindi po, kaniya-kaniya po iyon.

Q:                                                           Dapat tanungin muna si Benjie Liwanag diyan kung…(laughs) sa van (laughs).

SEC. ANDANAR:                            Ah siyempre, kaniya-kaniyang kayod po.

Q:                                                           Iyong ethics daw noong mga blogger, iyong code of ethics of journalism.

SEC. ANDANAR:                            Well again, they are not there as journalist. Iba po iyong turing natin sa journalists, sa mga professionals, but we will encourage them to observe journalism ethics. Now—well of course iyong pinaka-basic noon is iyong the right information, basic information, iyong when, where, what, who, how… iyon, iyong mga ganoon, kailangan po basic po iyon. Now as I said, kung talagang  mali-mali po detalye nila, eh mamimiligro po iyong kanilang second application.

Q:                                                           Iyan po bang mga maa-accept pong ‘yan eh, dadaan sila sa… may parang—iyong seminar na sinasabi ninyo, may basics na dapat nilang malaman. Bibigyan ho ba sila ng mga seminar lang, para lang alam nila? Hindi naman—kasi iba iyong journalists, iba sila, iyan po ba, ipo-provide po iyong ganiyan, parang bibigyan sila ng seminar?

SEC. ANDANAR:                            Well, depende ‘yan sa opisina ni Assistant Secretary Mocha.

Q:                                                           Okay, Secretary. Medyo kinakapos lang po ng oras, pero ang ganda sana…

Q:                                                           ‘Di bale, babalikan natin, oo. Secretary, maraming salamat po. At least ang malinaw, hindi po sila maituturing na journalist kundi plain blogger ano po? Iyon po ang malinaw doon, oo

SEC. ANDANAR:                            Yes, sir.

Q:                                                           At may 5,000 followers. Paano kung 4,999 pa lang? Dapat mayroon pang isa para 5,000 followers.

SEC. ANDANAR:                            Ang problema nga kung may 5,000 followers ngayon, tapos bukas iyong coverage, nabawasan ng isa… oo.

Q:                                                           (Laughs). Thank you Secretary. Thank you very much po for your time.

SEC. ANDANAR:                            Okay. Mabuhay po kayong dalawa. Thank you po.

Q:                                                           Okay mga kaibigan, Secretary Martin Andanar.

###

Resource