Interview

Interview with Presidential Communications Operations Office Secretary Martin Andanar (Tandem – DZMM by Vic Lima and David Oro)

Q:                                                           Secretary, magandang umaga po, si David at si Vic Lima, idol po namin kayo.

Q:                                                           Good morning po kuyang.

SEC. ANDANAR:                            Ikaw ang idol ko. Magandang umaga—

Q:                                                           Magandang umaga po.

SEC. ANDANAR:                            Nakita ko kayo sa Mindanao—

Q:                                                           Nasa Davao ka?

SEC. ANDANAR:                            Siargao—

Q:                                                           Ah, Siargao?

SEC. ANDANAR:                            Siargao Island.

Q:                                                           Secretary, bakit naman ikaw lang ang nasa Siargao?

Q:                                                           Ano hindi namin kami—mang-broadcast iyan.

SEC. ANDANAR:                            Eto puwede, alam mo taga Siargao talaga iyong tatay ko.

Q:                                                           Ah, okay.

SEC. ANDANAR:                            So iyong anak ko kasi gustong mamasyal, kako gusto kong mag-surfing eh ‘di pinasyal ko muna dito sa amin. Eh iyong lugar namin kasi walang signal mahina—

Q:                                                           Well, you deserve a vacation talaga. Pero Secretary maistorbo ko lang iyong pagse-surfing ninyo, iyong pagbabakasyon ninyo. Ang Presidente ho ay gustong lumikha ng departamento na tututok sa paghahanda, pagresponde ng sakuna something like Department of Disaster and Management. Ano na ho ang balita doon mukhang desedido ang Presidente eh?

SEC. ANDANAR:                            Actually, Vic at David—

Q:                                                           Opo.

SEC. ANDANAR:                            Mayroon talagang proposed bill to amend the Republic Act 10121 if I’m not mistaken ‘no, to strengthen Disaster Risk Reduction and Management Act of 2010. Eh, ang dahilan dito kasi nga eh insufficient iyong structure at iyong letter of authority ng Office of the Civil Defense, siguro alam mo naman eh dalawa kayong nag-cover diyan eh. So, wala masyadong kapangyarihan tapos iyong role at mga responsibilidad ng mga stakeholder eh medyo malabo, tapos iyong budget pa maliit ‘di ba?

Q:                                                          Okay.

SEC. ANDANAR:                            Tapos hindi malinaw iyong accountability ng mga ahensiya at saka iyong pondo. So, kaya kailangan talaga gumawa na ng isang departamento para doon mag-adapt sa mga pagbabago dito sa bansa natin.

Q:                                                           Panahon po natin opo.

Q:                                                           So dahil sabi ko nga kanina kay Ms. Marasigan ng NDRRMC, iba na ang panahon ngayon eh. I think the President is right. We should create a body na talagang—wala solid lang doon lang nakatutok sa disaster.

SEC. ANDANAR:                            Oo. Eh alam mo kasi itong Disaster Risk assessment natin sa bansa natin ay isa ito sa mga dapat kailangan i-probe eh—

Q:                                                           Tama po kayo diyan.

SEC. ANDANAR:                            Eh kulang tayo sa assessment. Iyong early warning communication, hindi standardize—

Q:                                                           Opo.

SEC. ANDANAR:                            Tapos iyong Disaster Risk Management ganoon din, may kulang din sa ano—

Q:                                                           Opo.

SEC. ANDANAR:                            Sa mga Evacuation Center sa local government unit. So ito iyong mga dahilan kung bakit gusto ni Presidente na magiging departamento, eh daanan tayo ng bagyo, Vic and David.

Q:                                                           Tama po at hindi lang po bagyo, Secretary, tayo po ay nasa fault line din ang ating bansa at sunod-sunod na kalamidad. Nandiyan iyong earthquake, bagyo, iyong epekto po ng climate change—

Q:                                                           Iyong Pacific ring of fire.

SEC. ANDANAR:                            Oo, iyong Pacific ring of fire, dinadaanan tayo. So kailangan mag-adapt eh. I think, we are in a very challenging times right now at sabi nga ni Presidente sa speech niya na, ito iyong problema natin na kinakaharap natin na hindi naman ito exclusive lang na tayo lang ang humaharap sa problemang ito kung hindi buong mundo—

Q:                                                           Correct.

SEC. ANDANAR:                            Oh, so hindi natin maiwasan ito, in fact kaya nga iyong mga joint military exercises natin, malaking chance ay doon sa pag-rescue, retrieval, iyong pagtulong dahil sa mga bagyong dumadaan, mga kalamidad dito sa bansa natin.

 

Q:                                                           At maliban ho sa natural calamity, Secretary. Alam naman po natin, mayroon po ang mga tinatawag na mga man made calamity. Katulad noong nangyari po sa Marawi at siguro puwede ho itong saklawin noong bubuuing departamento, Secretary Andanar?

 

SEC. ANDANAR:                            Oo isa rin iyan iyong sa Marawi. Kailangan nating magkaroon ng ano… ng mabilis na rehabilitation diyan. Eh kasama diyan, eh kailangan—alam mo ang problema natin sa bansa natin, 30 years ago ganoon pa rin ngayon. Ito iyong mabagal na koordinasyon ng national at local government [inaudible] ’di ba. Oo tapos iyong kulang doon sa consistent recovery and rehabilitation standard. Alam ninyo naman siguro iyan ‘di ba doon lang sa—dito sa Leyte. Doon sa, iyong tinamaan ng Yolanda.

Q:                                                           Lalo na kapag iba ang partido mo, iba partido ko, trouble na.

SEC. ANDANAR:                            Hay naku, iyon ang problema. Kaya isa rin dito, halimbawa sa local government unit—

Q:                                                           Opo.

SEC. ANDANAR:                            Units natin, isa sa mga panukala nitong departamento ay sana maging ano na, maging oblige na iyong mga local government unit na magtalaga ng Disaster Coordinating Office sa mga—oo, ‘di ba sa mga munisipyo. So these are the things that we have to adopt in order to have a very fast coordinating team pagdating dito sa mga bagyo, sa mga sakuna. Iyon naman, mga hindi natin maiwasan na pangyayari lalo sa bansa more than 21 typhoons.

Q:                                                           Eh alam mo I would urge na—sandali na lang ito, Secretary, David. I would urge the local government, mag-assign na kayo ng tao riyan kahit sino because I think the President, correct me if I’m wrong, mukhang hindi naman tumitingin sa kulay ng Presidente. Kung kulay ano ka, kulay ganito ka, anong partido mo. Ang sinasabi ng Presidente basta enemy of the state bully ako. Ibig sabihin ano man ang ikakasira ng bansa, galit ako pero kung magtutulungan tayo walang problema eh ‘di ba?

SEC. ANDANAR:                            Tama ka, Vic. Ang Presidente natin ay hindi siya Presidente ng PDP, hindi siya Presidente ng dilaw, ng laban. Hindi siya Presidente ng UNA. Presidente siya ng lahat ng Pilipino, buong Pilipinas. So wala pong tinitingnan na kulay. Sabi nga ng Presidente, eh siya ay anim na taon lang ang kaniyang paninilbihan, limang taon na lang ang natitira so wala na siyang pakialam kung anong sabihin ng iba basta gagawin niya kung anong tama.

Q:                                                           Eh, nakita mo maski kaibigan niya si Joma Sison eh pinagpapapatay iyong mga pulis at sundalo. Nagalit ang Presidente. Same thing kung kaaway ka ni Presidente at gumagawa ka naman ng mabuti at in connivance with the President in a good deed, wala kayong magiging problema palagay ko, Secretary ‘di ba?

SEC. ANDANAR:                            Eksaktamento. Kaya nga medyo nagtatampo si Presidente doon kay Joma Sison dahil akala ko ba kapayapaan tapos a-ambush-in ninyo ako. Eh kaya ganoon ang nangyari kaya nasabihan niya tuloy si Joma Sison na, “Kung gusto mo talagang lumaban mag-revolution, umuwi ka na dito sa Pilipinas.”

Q:                                                           Anyway, Secretary, marami pa tayong pag-uusapan pero I don’t want to spoil your day because you deserve that. You deserve that for working so hard. Secretary, salamat. Mag-ingat ka riyan ha.

SEC. ANDANAR:                            Maraming salamat, Vic at David. At lahat ng nakikita ninyo, iyong tanawing nakikita ko yung Pacific Coast. Eh kung nakikita ko iyong mga alon dito tapos iyong hangin, iyong mga mangingisda nakikita ko dito. Ito mga sariwang isda ang dala dito sa akin.

Q:                                                           Wow! Nang-inggit pa si Secretary.

Q:                                                           Sige kuya Martin, maraming salamat, Sec. Thank you. Thank you.

SEC. ANDANAR:                            Maraming salamat, mabuhay kayong dalawa. Mabuhay po ang DZMM. Thank you po.

###

Resource