Interview

Interview with Presidential Spokesperson Harry Roque by Arnold Clavio, Connie Sison and Susan Enriquez (GMA 7- Unang Hirit)


CLAVIO:  Secretary, good morning – Igan, Susan at Connie.

SEC. ROQUE:  Good morning, Igan, Susan at Connie. At good morning buong Pilipinas.

CLAVIO:  Pakipaliwanag pa po itong mass gathering sa mga unibersidad na nasa MGCQ?

SEC. ROQUE:  Opo. Well, ito po, unang-una, dapat MGCQ na at ito po ay para lamang sa mga higher learning institutions, mga kolehiyo at unibersidad. Sakop din po nito iyong mga professional schools kagaya ng medical schools at saka law schools.

So, ang banta po kasi ay mas mababa na po para doon sa edad na 21 pataas ‘no at karamihan naman po ng mga college students natin ay hindi na po bata dahil nga po sa K to 12 ngayon ‘no. So, mga 18 or 19 na sila magsisimula. Pero siyempre po bagama’t pinapayagan po ang kakaunting mga face-to-face ang preferred mode pa rin po ay iyong flexible learning na sinasabi nga po ni Chairperson Popoy. Kabahagi lang po ito ng suma total na learning process para sa mga higher learning institutions.

ENRIQUEZ: Sa usapin po ng expanded targeted testing, kakayanin na daw po nating makapag-swab test ng aabot sa 10 milyong Pinoy kung sakali. Kailan po makapagsisimula ang testing, Secretary?

SEC. ROQUE: Well, nagsisimula naman po tayo; hindi naman po tayo tumitigil. Ang magandang balita nga po, tayo po ay nakapag-order na ng eight million testing kits at dumating na po iyong isang milyon at bukod pa po ito sa mahigit-kumulang sa 500,000 na test na nagawa na natin sa PCR. So papuntang na po tayo sa 1.5 million na suma total na PCR test na ginagawa natin.

SISON:  Follow up lang po. Kasi sabi po ni Usec. Vergeire kahapon regarding pa rin po sa testing na 10 million ano, okay daw iyong mga, of course, iyong pang-test. Pero iyong mga machines na gagamitin, doon po daw tayo nagkukulang. Ano po ang ating magagawa para hindi po magkaroon nang mas malaking backlog?

SEC. ROQUE:  Well, patuloy din naman po iyong ating pagbili ng mga extraction machines na tinatawag ano. In fact, this is Bayanihan sa parte po ng gobyerno at ng ating mga pribadong sector ‘no. Ang importante po kasi, hindi po magkulang iyong mga test kits kasi habang may mga makina naman ay talagang patuloy iyong proseso ng pagti-test sa ating mga kababayan.

So, ngayon po ang sinabi nga ni Secretary Vince Dizon, iyong ating testing Czar, dati-rati kasi ang protocol natin ay iyong may mga sintomas lamang, pero papunta na tayo doon sa punto na pati mga asymptomatics ay iti-test po natin kapag mayroon tayong sapat na  mga makina at mga testing kits dahil alam po natin na karamihan talaga na nagkakalat ng sakit ng COVID-19  ay mga asymptomatic.

SISON: All right. Sir, mayroon ding mga tanong siyempre iyong mga tumataya ng lotto. Ano po ang sagot ng IATF tungkol  po sa proposal na muli nang makapag-operate ito?

SEC. ROQUE:  Tingin ko po malapit-lapit na iyan ‘no. Pero kahapon po, wala pa siya sa agenda. Ang susunod na pagpupulong po ay Friday. Siguro po tatawagan ko na rin ang PCSO at tatanungin ko na nga po kung ano iyong mga nasumite na nilang mga dokumento, kasama na nga po diyan iyong mga precautions na gagawin ng mga nagbebenta ng lotto natin para ma-convince naman po ang IATF.

ENRIQUEZ:  Secretary, kinu-konsidera na rin daw po ang pagpasok ng mga foreign nationals sa bansa. Paano po maku-control iyong sudden influx ng tao lalo na sa Metro Manila na maaaring lalong magpalala ng pagkalat pa ng COVID-19?

SEC. ROQUE:  Hindi pa naman po sa lahat ‘no. Ang tinitingnan po natin ngayon ay—mayroon kasing nag-request na embahada na papasukin na lalung-lalo na iyong mga nationals nila na mayroon ditong work permits at saka marami tayong mga flagship projects na mayroon ding mga dayuhan. So iyan po ay pinag-aaralan at—actually, kahapon po na-discuss iyan kaya lang habang nagdi-discuss sila, nagpi-press briefing ako ano. Iyong ang masaklap minsan sa mga IATF meetings lalo na kapag Lunes na nagsisimula ng alas-diyes ay nasasabay doon sa aking press briefing. Pero maya-maya po sa ating press briefing ng alas-dose ngayon ay magbibigay po tayo ng update dito sa foreign nationals.

CLAVIO:  Nakakaisandaang araw na po tayo sa pagkaka-quarantine, Secretary. Kumusta na ang laban natin sa COVID-19?

SEC. ROQUE: Noong kahapon naman po, napakadami kong graphs na ipinakita. Now, bagama’t ang katotohanan ang numero ay tumataas, bumubuti naman po iyong mga indicators pagdating po doon sa tinatawag nating case doubling rate, iyong pagkalat ng COVID. Sa buong Pilipinas po, ang average natin ay nasa seven days na tayo at iyan nga po iyong minimum kapag tayo po ay magkakaroon na ng GCQ. Pero maraming lugar sa Pilipinas po, iyong mga MGCQ, nasa ten days na.

At ang isa pang tinitingnan natin siyempre iyong capability to provide critical care, iyong critical care capacity, at mukhang nasa 35% lang naman po ang ating national average. Ibig sabihin, mayroon pa tayong mga 70% more or less capacity na magbigay ng medical treatment sa mga critically ill.

At ang pinakaimportante po, iyong mortality rate ay patuloy pong bumababa. Kung nakita po ninyo kahapon sa aking press briefing, talaga naman pong iyong graph ng mortality ay pababa. So ano po ang suma total? Eh dumadami po talaga ang numbers ng COVID-19, pero ang  mabuting balita po karamihan po ay mild, karamihan ay asymptomatic, kakaunti po ang kritikal at patuloy pa ring bumababa ang mga namamatay dito sa COVID-19. Pero ang gusto nga natin ay tuluyang wala nang mamatay dito sa COVID-19.

CLAVIO:  Opo. Ano ang aabangan namin mamaya, Secretary?

SEC. ROQUE:  Well, mamaya po iyong address ng ating Presidente kagabi ay iri-reiterate lang po natin iyan at saka iyong mga naging report ng mga miyembro ng IATF kasama na po si Chief Implementer at saka si Secretary Año. Hindi ko po alam kung na-broadcast iyong dalawang iyon dahil pauwi na po ako noong nagbu-broadcast na iyan sa telebisyon ‘no.  Pero marami pong reports si Secretary Galvez at isa na nga po diyan iyong pagdating na ng one million sa eight million na inorder nating mga testing kits.

CLAVIO:  Ingat po. Maraming salamat, Presidential Spokesperson Atty. Harry Roque.

SEC. ROQUE:  Maraming salamat po at sa uulitin po. Magandang umaga po.

 

###

 

SOURCE: PCOO-NIB (News and Information Bureau-Data Processing Center)